Microsoft - Beynəlxalq ERP sistemində maliyyə və mühasibat uçotu

Kurs haqqında: 

Microsoft Dynamics 365 Business Central vahid, inteqrasiya olunmuş mühitdə maliyyə, satınalma, satış və istehsal prosesləri daxil olmaqla biznes prosesləri idarə etməyə kömək edən müəssisə resurslarının planlaşdırma platformasıdır.

Sistem Azərbaycan qanunvericiliyinin tələblərinə və beynəlxalq standartlara uyğun olaraq mühasibat, vergi və idarəetmə uçotunu təmin edir.

Praktiki kursda biz sistemdə əsas maliyyə əməliyyatlarının aparılması və beynəlxalq ERP sisteminin funksionallığının öyrənilməsini təklif edirik. Kurs mövcud proqram təminatlarını əvəz etmək istəyənlər və ya yeni peşəkar bacarıqlar öyrənmək istəyənlər üçün maraqlı olacaq.

Siz, əyani şəkildə tapşırıqları təhlil edəcək, praktiki işləri tamamlayacaq və ERP-də işləmək üzrə əldə edilmiş bacarıqları təsdiq edən sertifikat alacaqsınız.

Kurs maliyyə mütəxəssisləri, mühasiblər, nəzarət departamentinin mütəxəssisləri, həmçinin Business Central və digər ERP sistemlərinin məsləhətçiləri və analitikləri üçün yaradılmışdır

Akademiyanı bitirdikdən sonra siz bunlar üzrə bilik və bacarıqlar əldə edəcəksiniz:

• ERP sistemində beynəlxalq təcrübələrə əsaslanan mühasibat uçotu əməliyyatları 
• Microsoft Dynamics 365 Business Central biznes arxitekturasına dair əsas bilikləri
• Alış, satış, maliyyə modullarının sazlanması üzrə praktiki bacarıqlar (hesabatlarla işləmək, əsas vəsaitlər, ƏDV və ÖMV əməliyyatlarının uçotu,və s.)

Akademiyanın proqramı 

Proqram iki əsas hissədən ibarətdir: demo və praktiki hissə. 

Demo hissə 

Sistemin imkanlarının, onun iş prinsiplərinin göstərilməsi, biznes əməliyyatlarını əks etmək üçün mövcud funksionallığın nümayişi, həmçinin təhlil və hesabat üçün standart sistem alətlərinin istifadəsi daxildir. 

Praktiki hissə 
Sistem alətlərindən istifadə edərək standart biznes əməliyyatların iştirakçılar tərəfindən müstəqil şəkildə konfiqurasiyası, praktiki tapşırıqların yerinə yetirilməsində mütamade olaraq təcrübəli mütəxəssislərin dəstəyi daxildir.